મનોકલ્પ

આ કેવી ઘડી આવી, તમને ફરી મળવાને.
આંખોમાં આંસુ લાવી, તમને ફરી મળવાને.

જેટલી મળી ઉર્મિઓ, એટલા મળ્યા ઉમંગો,
સજતા રહ્યા એ સ્વપ્નો, અંગો ને મળે અંગો,
શ્રદ્ધા એ પ્યાસ લાવી, તમને ફરી મળવાને.

સાગરના નીર ટપકે, એના બદનથી નિતરી,
તનનો ઉન્માદ છલકે, વદનના વળાંક ચિતરી,
તક એ ફરીથી આવી, તમને ફરી મળવાને.

કે’વાને તો ઘણું હતું, પણ, એ નથી કે’વાયુ,
ઘણું આપવાનું પણ હતું, દિલ પણ નથી દેવાયું,
માંગુ છું એક પળ, છતાં, તમને ફરી મળવાને.

તમે હમસફર હતા કદિ, તમે હમનવા હતા કદિ,
પલકોમાં જો વસ્યા કદિ, ધડકનમાં ય ધડક્યા કદિ,
તમે મારા થઇ ને આવો, તમને ફરી મળવાને.

‘મનુજ’ હ્યુસ્તોનવી
૦૧/૨૩/૨૦૨૪

(થોડા સમયના અરસા બાદ એક કવિતાની
રચના થઈ ગઈ)