April 18th 2017

ક્ષણ

તમે માનો, જો પળ છે, દૂર-સુદૂર,
આ જીવન,પણ છે, મોતથી સુમધૂર.

જુઓ, અટકળ કરે, મન જીવવાને,
પાઈ લપસ્યા કરે, રુપિયો બનવાને,
ધૂળ રજકણ બને, ઉંચે ઊડવાને,
બીજ વળગણ કરે, વૃક્ષ બનવાને,
ભ્રમર ચાહે વન ઉપવન ભમવાને,
ચન્દ્ર ભટકે ગગન ઉજળો થાવાને,
ક્રિયા ઝાઝી પણ કર્તા છે ક્ષણભંગૂર,
આ જીવન, પણ છે, મોતથી સુમધૂર.

પળનો શ્વાસ જુઓ, અવિશ્વાસ જુઓ,
પળનું અંતર જુઓ કે વૃધ્ધિ જુઓ,
પળનું માપ જુઓ યા વજન જુઓ,
પળનાં રાગ જુઓ અથવા રંગ જુઓ,
પળનાં વેણ સૂણો, શ્રવણનું ઝેર જુઓ,
પળની ખ્યાતિ જુઓ, અધોગતિ જુઓ,
ભાસ, આભાસનો આ કેવો મગરૂર!
આ જીવન, પણ છે, મોતથી સુમધૂર

તમે માનો, જો પળ છે, દૂર-સુદૂર,
આ જીવન,પણ છે, મોતથી સુમધૂર.

‘મનુજ’ હ્યુસ્તોનવી
૦૪/૦૮/૨૦૧૭
(અમારા અંતરંગ મિત્રો, શ્રીમતિ સ્મિતાબેન
અને નિશીથભાઇ વસાવડાએ તા. ૦૪/૧૫/૨૦૧૭
ના રોજ, એમના નિવાસસ્થાને રાખેલા એક
મિલન સમારંભમાં, હું કાંઈક- ‘ઝિંદગી’
વિષય પર- બોલું એવી ઇચ્છા દર્શાવી હતી.
અને, એક સુંદર નઝમ ની રચના થઈ ગઈ.)

April 5th 2016

કરુણ પ્રશસ્તિ

કાગળના કોડિયાનો દીવો પધરાવીને પાણીથી વાત કરી લીધી,
આંખોના આંસુએ પાંપણની ના છતાં, હેલી મુષળધાર કરી લીધી.

શૈશવના સોણલા રમકડામાં સાચવીને
રાખ્યા’તા ઉપર માળિયામાં શાચવીને
ચાન્દનીની ચાદર્માં પાડેલા ડાઘ જોઈ
ઝાકળથી ભાત ભરી લીધી…….. કાગળના કોડિયાનો

યૌવન ઘેન ઘોળયાં, આંખોનાં ઝરુખામાં
પીધા પીવડાવ્યાં, ઝુલ્ફની ધૂપ છાંવમાં
કામ રૂપી અગ્નિએ, રૂ ની એ ગાંસડી,
ધબકતી નવજાત કરી લીધી…….. કાગળના કોડિયામાં

ફૂટ્કળિયા મિંઢળ, મોતી શાં ટૂટ્યાં, પળમાં,
સંબંધો ડુસકે ચઢી પાછા વળ્યાં, પળમાં
યાદોને ફૂલ સમજી, સમયની દોરડીમાં
પરોવીને હાર કરી લીધી………

કાગળના કોડિયાનો દીવો પધરાવીને પાણીથી વાત કરી લીધી,
આંખોના આંસુએ પાંપણની ના છતાં, હેલી મુષળધાર કરી લીધી.

‘મનુજ’ હ્યુસ્તોનવી – ૦૭/૨૪/૨૦૦૩

September 12th 2010

કુંપળ ખીલી નથી

ખોયેલ મારી જિંદગી, મુજને જડી નથી.
મરવા મને ફૂરસત હજી સહેજે મળી નથી.

કરતા રહ્યા સીતમ અને જીવાડતા રહ્યાં,
દિલમાં દુઆની પણ કમી, જોવા મળી નથી.

રાખી હતી ખ્વાહિશ અમે, ઉપવન બનાવવા,
રણની કિન્તુ આ રેતમાં, કુંપળ ખિલી નથી.

આંખો મહીં અંગાર છે, દિલમાં બધે પત્થર,
લાવા સમી આવી કૃતિ, જગમાં જડી નથી.

એના મરણની આ સભા ને એ સુતો હતો,
ખુદની પ્રશસ્તિ આટલી, ક્યારે સુણી નથી.

કેવો હતો રાજા સ્વયં, સોનું બની ગયો,
એને હજુ માણસ થવા, યુક્તિ મળી નથી.

જ્યારે ગયા છો આપ મુજ દુનિયા તજી,પુષ્પો!
તકદીર પરની પાંદડી, બિલકુલ ખસી નથી.

જોવા મથ્યો દરપણ મહીં, કોને હું આટલું,
વરસો થયા ઊભો જ છું, છાયા મળી નથી.

બે વાત યાદ રહી જશે, આખા જિવન સુધી,
સીડી ઉપર તું ચઢી ખરી, પાછી વળી નથી.

રસતા ભલે છૂટા પડ્યા, આગળ મળી ગયા,
પણ, તું પડી છૂટી છતાં, આવી મળી નથી.

આવો નહીં તો આવવા, કોશિશ કરી જુઓ,
સંગનાં ઉમંગની શ્રદ્ધા, ઓછી થઈ નથી.

આ માંડવો ને પિયરિયા, આંસુ બની ગયા,
ડોલી ‘મનુજ’ એમાં વહી, પાછી ફરી નથી.

– ‘મનુજ’ હ્યુસ્તોનવી
૦૯-૧૨-૨૦૧૦
છંદ બંધારણઃ
ગા ગા લ ગા, ગા ગા લ ગા, ગા ગા લ ગા લ ગા
આશા છે કે આપ સહુને આ કૃતિ પણ અન્ય કૃતિઓની જેમ ગમશે.
સૂચનો, સુધારા વિગેરે જણાવશો.

May 8th 2009

ગુજરાતી શબ્દ સ્પર્ધાની પૂર્વ તૈયારી

“ફ”

ક્રમ્ શબ્દ  અર્થ શબ્દ પ્રયોગ
૧. ફકીરી લટકા સહેલો ઉપાય. ફકીરી લટકે કંઈ રાજરોગ મધુપ્રમેહ જાય્?
૨. ફગડું છુટ્ટુ ફગડું દીકરાને પરણાવ્યો જાણે બળદને રાશ પહેરાવી
૩. ફગર ફુલોથી ભરેલી ાળી વસંત આવ્યાનાં વધામણા ,ડાળે ડાળે ફગર ફાલે
૪. ફગવા જુવારની ધાણી હોળી આવે અને ફગવા અને ખજુર વહેંચાય્
૫. ફગળાવુ બેહોશ થવું બીકનાં માર્યા કેટલાક તો ત્યાં જ ફગળાઇ પડ્યા
૬. ફગોડું ઢોંગી કેટલાકે રડારૉળ કરવાનાં ફગોડા કર્યા
૭. ફજન ખુશી રાજાનાં શિરપાવને પામી ફજન થી નમન કર્યુ.
૮. ફજ્જર્ વહેલી સવાર્ ફજ્જરની ઉગમણી દિશા કંકુવરણી થતી જતી હતી
૯. ફઝલી આંબો બંગાળની ફઝલી કેરી સ્વાદમાં મીઠી અને વજની હોય છે
૧૦. ફટાણાં બીભત્સ ગીતો વરરાજા પરણવા આવે ત્યારે ગવાતા ફટાણા નો રિવાજ જતો રહ્યો છે.
૧૧. ફટાયા પાટવી કુંવર જે ના હોય્ ભરત ફટાયો બને તે મંથરાને કબુલ નહોંતુ.
૧૨. ફડક ચિંતા, ઉડવું તે ફડક્નું માર્યુ હૈયું તેનુ ઉંચે ગગને ફડક્યું
૧૩. ફડદ તુમારનું પાનુ ફડદીયું ફાટ્યુ એટલે તે કામ કરવું જ પડે
૧૪. ફડબાજ્ જુગારી ફડબાજને ત્યાં ક્યારેક ફાકા તો ક્યારેક રાજાપાટ
૧૫. ફડિણી ગોંફણ મોહનની ફડિણી ચાલે અને પક્ષીઓ સૌ ભાગે
૧૬. ફણક કાંસકો વાળ એવા કપાવે કે ફણક્ ની જરૂર જ નહિં
૧૭. ફણિભુજ ગરૂડ સાપને ખાનારો તેથી તે ફણિભુજ કહેવાયો
૧૮. ફતજ મૂળો ફતજ રાતા અને સફેદ બંને પ્રકારનાં થાય્
૧૯. ફતૂર્ ધતિંગ, શાંત પ્રજાને ઉશ્કેરવા ફતૂરો નાખી અંગ્રેજો જતા રહેતા
૨૦. ફતંગ દેવાળીયો આવકો કરતા જેની જાવકો વધુ તે ફતંગ કહેવાય્
૨૧. ફફૂંડી ફૂગ ફફૂંડી ના રોગ કષ્ટદાયક હોય છે
૨૨. ફરજી શતરંજની રાણી ફરજીબંધ આવે ત્યારે શતરંજની રમત પુરીથાય્
૨૩. ફરફંદ છળ કપટ ફરફંદી થોડા દિવસ સચ્ચાઇ વરસો વરસ.
૨૪ ફર્લાંગ માઈલનો આઠમો ભાગ્ બે ફર્લાંગ ચાલુને તેમનુ ઘર આવે